ਇਕ ਪਾਠਕ

4:31 AM 1 Comments

ਕਵਿਤਾ ਦਾ
ਕਲ ਕਲ ਕਰਦੀ ਨਦੀ ਜਿਹਾ
ਮਿੱਠਾ ਸੁਰ
ਕਹਾਣੀ ਦੀ ਸਿੱਖਿਆਦਾਇਕ ਧੁਨ
ਨਾਵਲ ਦਾ ਜਿੰਦਗੀ ਜਿਹਾ
ਵਿਸ਼ਾਲ ਕੈਨਵਸ
ਤੇ ਗ਼ਜ਼ਲ ਦੀਆਂ ਰੁਮਾਨੀ ਗੱਲਾਂ
ਗੁਆਚ ਕੇ ਰਹਿ ਗਏ ਨੇ

ਕੈਮਿਸਟਰੀ ਦੇ ਰਸਾਇਣਕ ਪ੍ਰ੍ਯੋਗਾਂ
ਫਿਜ਼ਿਕਸ ਦੇ ਗੂਰੁਤਾ ਆਕਰਸ਼ਣ ਨਿਯਮਾਂ
ਤੇ ਬਾਇਓਲਾਜੀ ਵਿਚਲੇ ਨਾੜੀ ਤੰਤਰ
ਦੇ ਜਾਲ ਵਿਚ
ਸਿਲੇਬਸ ਦੀਆਂ ਕਿਤਾਬਾਂ ਦਾ
ਬੋਝ ਏਨਾ ਹੈ ਕਿ ਹੁਣ ਮੈਥੋਂ
ਨਾਨਕ ਸਿੰਘ
ਅਮ੍ਰਿਤਾ ਪ੍ਰੀਤਮ
ਤੇ ਸ਼ਿਵ ਕੁਮਾਰ ਬਟਾਵਲੀ ਦੀਆਂ
ਪੋਥੀਆਂ ਦਾ ਭਾਰ
ਨਹੀਂ ਚੁੱਕਿਆ ਜਾਂਦਾ
ਸੱਚ ਦੱਸਾਂ ਤਾਂ ਮੈਨੂੰ
ਇਨ੍ਹਾਂ ਚ ਕੋਈ ਰੁਚੀ ਵੀ ਨਹੀਂ
ਕਿਉਂ ਕਿ ਮੈਂ ਤਾਂ ਕਦੇ
ਪਰੀ ਕਹਾਣੀਆਂ ਵੀ ਨਹੀਂ ਸੁਣੀਆਂ

ਮੇਰੀ ਗਰੈਨੀ ਤਾਂ ਬਿਰਧ ਆਸ਼ਰਮ ਰਹਿੰਦੀ ਹੈ
ਤੇ ਮੇਰੇ ਡੈਡ ਨੇ ਵੀ ਕਦੇ
ਕਵਿਤਾ, ਕਹਾਣੀ, ਗੀਤ, ਨਾਵਲ, ਗਜ਼ਲ
ਬਾਰੇ ਮੈਨੂੰ ਕੁਝ ਨਹੀਂ ਦਸਿੱਆ
ਉਹ ਬਿਜ਼ੀ ਨੇ
ਮੈਂ ਤਾਂ ਅਖਬਾਰ ਚ ਇਸ਼ਤਿਹਾਰ ਪੜ੍ਹ ਕੇ
ਆਇਆਂ ਸਾਂ ਕਿਤਾਬਾਂ ਦਾ ਮੇਲਾ ਵੇਖਣ
ਭਾਲ ਚ ਸਾਇੰਸ ਦੀਆਂ ਕਿਤਾਬਾਂ ਦੀ

ਹਾਂ ਕੁਝ ਹੋਰ ਕਿਤਾਬਾਂ ਵੀ
ਚੰਗੀਆਂ ਤਾਂ ਲੱਗੀਆਂ ਨੇ ਮੈਨੂੰ
ਪਰ ਕੀ ਕਰਾਂ ਇਮਤਿਹਾਨਾਂ ਦੇ ਦਿਨ ਨੇ

ਮੇਲੇ ਵਾਲੇ ਅੰਕਲ
ਗਰਮੀਆਂ ਦਿਆਂ ਛੁੱਟੀਆਂ ਚ
ਫੇਰ ਆਉਣਾ

Deep Jagdeep

Deep Jagdeep Singh a is Poet, Columnist, Screen Writer, Lyricist and Film Critic. He writes in Punjabi, English and Hindi Google

1 comment:

  1. In an attempt to explain the status of reading in today's modern world, the poem also various others aspects like that of old-age homes, busy mechanised schedule in modern day world, insensitivity towards literature etc.
    ਇਹ ਕਵਿਤਾ ਆਪਣੇ ਆਪ ਵਿੱਚ ਇਕ ਸੰਪੂਰਨ ਕਹਾਣੀ ਹੈ, ਤੇ ਇਹ ਕਹਾਣੀ ਹੈ ਅਜੋਕੇ ਮਨੁੱਖ ਦੀ ਤਰਾਸਦੀ ਦੀ | ਰੱਬ ਕਰੇ ਇਹ ਦਿਨ ਜਲਦੀ ਬਦਲ ਜਾਣ!!!

    ReplyDelete

ਟਿੱਪਣੀ ਕਰਨ ਦਾ ਤਰੀਕਾ
1. ਆਪਣੀ ਟਿੱਪਣੀ ਹੇਠ ਲਿਖੇ ਡੱਬੇ ਵਿਚ ਲਿਖੋ।
2. ਡੱਬੇ ਦੇ ਥੱਲੇ ਦਿੱਤੇ Comment as : Select Profile ਵਾਲੇ ਖਾਨੇ ਵਿਚੋਂ ਆਪਣਾ ਅਕਾਊਂਟ ਚੁੱਣੋ ਜਾਂ ਫ਼ਿਰ Name/URL ਚੁਣੋ।
3. ਜੇ ਤੁਸੀ Name/URL ਚੁਣਿਆ ਹੈ ਤਾਂ Name ਵਾਲੇ ਖਾਨੇ ਵਿਚ ਆਪਣਾ ਨਾਮ ਭਰੋ ਅਤੇ URL ਵਾਲੇ ਖਾਨੇ ਵਿਚ ਆਪਣੀ ਵੈੱਬਸਾਈਟ ਜਾਂ ਈ-ਮੇਲ ਪਤਾ ਭਰੋ (ਜੇ ਵੈੱਬਸਾਈਟ/ਈ-ਮੇਲ ਨਾ ਹੋਵੇ ਤਾਂ ਉਸ ਖਾਨੇ ਨੂੰ ਖਾਲੀ ਛੱਡ ਦੇਵੋ)।
4. ਜੇ ਤੁਸੀ ਬੇਨਾਮੀ ਟਿੱਪਣੀ ਕਰਨਾ ਚਾਹੁੰਦੇ ਹੋ ਤਾਂ Anonymous ਚੁਣੋ
5. ਇਸ ਤੋਂ ਬਾਅਦ Post Comment Button 'ਤੇ ਕਲਿੱਕ ਕਰੋ।

ਨੋਟ: ਜੇ ਤੁਸੀ ਅਕਾਊਂਟ Name/URL ਜਾਂ Anonymous ਤੋਂ ਇਲਾਵਾ ਕੋਈ ਹੋਰ ਵਿਕਲਪ ਚੁਣਿਆ ਹੈ ਤਾਂ Post Comment Button 'ਤੇ ਕਲਿੱਕ ਕਰਨ ਤੋਂ ਬਾਅਦ ਤੁਹਾਡੇ ਚੁਣੇ ਹੋਏ ਅਕਾਊਂਟ ਦਾ ਲੋਗਿਨ ਪੇਜ਼ ਆ ਜਾਵੇਗਾ। ਉਸ ਵਿਚ ਆਪਣਾ ਯੂਜ਼ਰਨੇਮ/ਪਾਸਵਰਡ ਭਰ ਕੇ ਲੌਗਿਨ ਕਰੋ। ਤੁਹਾਡੀ ਟਿੱਪਣੀ ਦਰਜ ਹੋ ਜਾਵੇਗੀ ਅਤੇ ਤੁਰੰਤ ਸਾਹਮਣੇ ਨਜ਼ਰ ਆ ਜਾਵੇਗੀ।